കുട്ടികളുടെ നന്മ: പാലിയേറ്റീവ് കെയർ യൂണിറ്റിന് വീൽ ചെയർ നൽകി

ഞാങ്ങാട്ടിരി എ.യു.പി സ്കൂളിലെ നന്മ ക്ലബ് പ്രത്യാശ പാലിയേറ്റീവ് കെയർ യൂണിറ്റിന് വീൽ ചെയർ കൈമാറി.

ലോക ഭിന്നശേഷി ദിനത്തോടനുബന്ധിച്ച് നടന്ന സ്കൂൾ അസംബ്ലിയിൽ വച്ചാണ് ഞാങ്ങാട്ടിരി പ്രത്യാശ പാലിയേറ്റീവ് കെയർ ക്ലിനിക്കിന് നന്മ ക്ലബിൻ്റെ നേതൃത്വത്തിൽ വീൽ ചെയർ നൽകിയത്. 

ഹെഡ്മാസ്റ്റർ എം.താഹിർ, പി.ടി.എ പ്രസിഡൻ്റ് സി.വി സുധീർ കുമാർ, പ്രത്യാശ ചാരിറ്റബിൾ സൊസൈറ്റി പ്രസിഡൻ്റ് എം.ബ്രഹ്മദത്തൻ, പ്രത്യാശ എക്സിക്യൂട്ടീവ് അംഗങ്ങളായ ശശികുമാർ, പി.ഷിഹാബ്, പാലിയേറ്റീവ് നേഴ്സ് ധന്യ, ഉണ്ണികൃഷ്ണൻ, അധ്യാപകരായ കെ.ബിന്ദു, പി.ജി.ജ്യോതിലക്ഷ്മി, ടി.കെ. വാണി, നന്മ ക്ലബ് അംഗങ്ങളായ ആദിദേവ്, ദിൽഷേക്, അഭിനവ്, സന, സ്വാതി, സനായ എന്നിവരും ചടങ്ങിൽ പങ്കെടുത്തു.