ചാലക്കയം- പമ്പ റോഡിൽ ചക്കുപാലം വളവിനു സമീപം കെ.എസ്.ആർ.ടി.സി ബസ്സുകൾ കൂട്ടിയിടിച്ച് അപകടം. രണ്ട് ബസ്സുകളിലുമായി യാത്ര ചെയ്ത 57 തീർഥാടകർക്ക് പരുക്കേറ്റു. ഗുരുതരമായി പരിക്കേറ്റ രണ്ട് കുട്ടികൾ ഉൾപ്പെടെ 13 പേരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
പമ്പയിൽ നിന്ന് ചെങ്ങന്നൂരിലേക്കും നിലയ്ക്കലിൽ നിന്ന് പമ്പയിലേക്കും പോയ കെ.എസ്.ആർ.ടി.സി ബസ്സുകളാണ് കൂട്ടിയിടിച്ചത്. ഇന്ന് (ചൊവ്വാഴ്ച) ഉച്ചയ്ക്കാണ് അപകടം. പരിക്കു പറ്റിയവരെ പമ്പ ഗവ.ആശുപത്രിയിൽ എത്തിച്ച് പ്രഥമ ശുശ്രൂഷ നൽകി.
ഗുരുതര പരിക്കേറ്റ 13 പേരെ കോട്ടയം മെഡിക്കൽ കോളജിലേക്ക് മാറ്റി. ബാക്കിയുള്ളവരെ പ്രഥമശുശ്രൂഷ നൽകി വിട്ടയച്ചു. അഗ്നിരക്ഷാ സേനയും പൊലീസും ചേർന്നാണ് രക്ഷാ പ്രവർത്തനം നടത്തിയത്. അപകടത്തെ തുടർന്ന് ചാലക്കയം- പമ്പ റോഡിൽ ഒരു മണിക്കൂറോളം ഗതാഗതം തടസ്സപ്പെട്ടു.
Tags
Accident