ഇന്ത്യൻ നാഷണൽ കോൺഗ്രസ് മയിലാടിക്കുന്ന്, സിവിൽ സ്റ്റേഷൻ വാർഡ് കമ്മിറ്റികളുടെ ആഭിമുഖ്യത്തിൽ മികവ്-2026 എന്ന പേരിൽ എസ്.എസ്.എൽ.സി, പ്ലസ് ടു വിജയികൾക്കുള്ള അനുമോദന ചടങ്ങ് സംഘടിപ്പിച്ചു.
ചാലിശ്ശേരി ഗ്രാമപഞ്ചായത്ത് അംബേദ്കർ ഹാളിൽ നടന്ന ചടങ്ങിൽ വി.ടി ബൽറാം എം.എൽ.എ ഉദ്ഘാടനം ചെയ്തു. കെ.പി.സി.സി നിർവാഹക സമിതി അംഗം സി.വി ബാലചന്ദ്രൻ മുഖ്യ അതിഥിയായി പങ്കെടുത്തു. ലഹരിക്കെതിരെ ഇരുനൂറോളം വേദികളിൽ ഏകപാത്ര നാടകം (മരണമൊഴി) അവതരിപ്പിച്ച ഗോപിനാഥ് പാലഞ്ചേരിയെ എം.എൽ.എ പൊന്നാട അണിയിച്ച് ആദരിച്ചു.
ചാലിശ്ശേരി പഞ്ചായത്ത് പ്രസിഡന്റ് റംല വീരാൻകുട്ടി, ഡി.സി.സി ജനറൽ സെക്രട്ടറി കെ.ബാബു നാസർ, മുതിർന്ന കോൺഗ്രസ് നേതാക്കളായ പി.സി ഗംഗാധരൻ, മുഹമ്മദാലി ആനപറമ്പിൽ, ജില്ലാ പഞ്ചായത്ത് അംഗം ടി.കെ സുനിൽകുമാർ, യു.ഡി.എഫ് ചാലിശ്ശേരി മണ്ഡലം കൺവീനർ റസാക്ക് പുളിയഞ്ഞാലിൽ, ബ്ലോക്ക് പഞ്ചായത്ത് അംഗം ഹുസൈൻ പുളിയഞ്ഞാലിൽ, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് റോബർട്ട് തമ്പി, പി.എ നൗഷാദ്, മണ്ഡലം വൈസ് പ്രസിഡന്റ് പ്രദീപ് ചെറുവാശ്ശേരി, പഞ്ചായത്ത് വികസന സ്ഥിരം സമിതി ചെയർപേഴ്സൺ സിജി സാബു, പഞ്ചായത്തംഗങ്ങളായ വി.ആർ പ്രകാശ്, സുലൈഖ സുലൈമാൻ, നിഷ അജിത്കുമാർ, ഷെഫീഖ് തെക്കെപ്പീടികയിൽ, അനസ് പാറയിൽ, സാബു പനക്കൽ എന്നിവർ സംസാരിച്ചു.