സൗരയൂഥ പക്ഷികൾ പറന്നു പറന്നു പോകുന്നു…

1977ൽ  നാസ വിക്ഷേപിച്ച വൊയെജെർ പേടകങ്ങൾ 48 വർഷത്തെ ദൗത്യം പൂർത്തിയാക്കിയ ശേഷം സൗരയൂഥം വിട്ട് പുറത്തു പോയിരിക്കുന്നു.                                            സൗരയൂഥത്തിലെ ഗ്രഹങ്ങളെ കുറിച്ച് പഠനം നടത്താൻ അഞ്ചു വർഷത്തെ കാലാവധി നിശ്ചയിച്ചു വിക്ഷേപിച്ച പേടകങ്ങളാണ് വീട്ടിലേക്ക് തിരിച്ചു വരാതെ അനന്ത വിഹായസ്സിലേക്ക് പറന്നു കൊണ്ടിരിക്കുന്നത്.

നാസ നിശ്ചയിച്ച ആയുസ്സിന്റെ ഒമ്പതാം ഊഴവും താണ്ടി വൊയെജെർ ഇപ്പോൾ നക്ഷത്രാന്തര ലോകത്തേക്ക് കടന്നു കഴിഞ്ഞു. സൗരയൂഥം പിന്നിട്ട ആദ്യത്തെ മനുഷ്യ നിർമ്മിത പേടകങ്ങളാണിത്.  ഈ സൗരയൂഥ പക്ഷികൾ ഏതാനും വർഷമായി ശാസ്ത്ര നേത്ര പരിധിയിൽ ഉണ്ടായിരുന്നില്ല. സൂര്യനിൽ നിന്ന് 1900 കോടി കിലോ മീറ്റർ അകലെ എവിടെയോ ഇപ്പോൾ വോയെജർ ഉണ്ടെന്നാണ് നാസയുടെ നിഗമനം.  ഏറ്റവും പുതിയ വിവരമനുസരിച്ച് Voyager ഒന്ന്, രണ്ട് പേടകങ്ങൾ ഇപ്പോഴും ജീവനോടെയുണ്ട്.

Voyager 1 ഭൂമിയിൽ നിന്ന് 24 ബില്യൺ കിലോമീറ്റർ അകലെയാണ് ഇപ്പോഴുള്ളത് എന്ന് ശാസ്ത്രജ്ഞർ പറയുന്നു. പ്രകാശ വേഗത്തിൽ യാത്ര ചെയ്യുന്ന റേഡിയോ തരംഗങ്ങൾക്ക് ഭൂമിയിലെത്താൻ ഏകദേശം 22 മണിക്കൂർ വേണ്ടിവരുന്നുണ്ട്.

Voyager 2 ഭൂമിയിൽ നിന്ന് 20 ബില്യൺ കിലോമീറ്റർ അകലെയാണ് ഇപ്പോഴുള്ളത്. അവിടെ നിന്ന് വരുന്ന സിഗ്നൽ ഭൂമിയിൽ എത്താൻ ഏകദേശം 18 മണിക്കൂർ വേണ്ടി വരും.

ഭൂമിയിൽ നിന്ന് ഇപ്പോൾ Voyager-നെ വിളിച്ചാൽ (സന്ദേശം അയച്ചാൽ), പേടകം അത് സ്വീകരിച്ച് മറുപടി അയച്ചാലും 40 മണിക്കൂറോളം കഴിഞ്ഞാണ് മറുപടി ഭൂമിയിൽ എത്തുക. ഭൂമിയുടെ ഗുരുത്വാകർഷണത്തിൽ നിന്ന് പൂര്‍ണമായി ഇവർ മോചിതരാണ്.

മനുഷ്യൻ ചന്ദ്രനെ കീഴടക്കിയതുപോലെ ഇതും ഒരു നാഴികക്കല്ലാണ്. നക്ഷത്രാന്തര  ലോകത്തേക്ക് ഒരു പേടകത്തെ അയക്കുക എന്നത് ശാസ്ത്രജ്ഞരുടെ ഒരു സ്വപ്നം ആയിരുന്നു.  അപ്രതീക്ഷിതമായി ആ സ്വപ്നം താനേ സാധ്യമായിരിക്കുന്നു.  

മണിക്കൂറിൽ 59000 കിലൊമീറ്റർ വേഗത്തിൽ സഞ്ചരിക്കുന്ന ഈ പേടകം 1877 കോടി കിലോ മീറ്റർ താണ്ടിയാണ് സൗരയൂഥത്തിന്റെ അതിർത്തി കടന്നത്‌. അനന്ത വിഹായസിലൂടെയുള്ള ഈ യാത്രക്കിടയിൽ വ്യാഴം, ശനി എന്നിവയുടെ വ്യക്തമായ ചിത്രങ്ങൾ പേടകം ഭൂമിയിലേക്ക് അയച്ചിരുന്നു.

യുറാനസ്, നെപ്റ്റ്യുൻ  എന്നീ ഗ്രഹങ്ങളെ കുറിച്ചും പഠനം നടത്തിയാണ് വോയെജർ സൗരയൂഥത്തിന്റെ  ബാഹ്യാതിർത്തിയിലേക്ക് പ്രയാണം ആരംഭിച്ചത്.  സൂര്യന്റെ സ്വാധീന പരിധിയിൽ ഇപ്പോൾ ഈ പക്ഷി ഇല്ലെന്നു നാസ ഉറപ്പിച്ചു കഴിഞ്ഞു.

സൗരയൂഥത്തിലെ  നാല് ഗ്രഹങ്ങൾ സന്ദർശിച്ച പേടകം എന്ന ബഹുമതിയും നക്ഷത്രാന്തര ലോകത്തേക്ക് പറന്നു പോയ യന്ത്ര പക്ഷി എന്ന നിലയിലും വോയെജർ ചരിത്രത്തിൽ ഇടം പിടിച്ചു കഴിഞ്ഞു.

പ്രധാന ദൗത്യങ്ങൾ പൂർത്തിയാക്കിയ ശേഷം, രണ്ടും സൗരയൂഥത്തിന്റെ പുറത്തേക്കുള്ള യാത്ര തുടരുകയാണ്. Voyager 1 ഇപ്പോൾ (2012 മുതൽ) ഇന്റർസ്റ്റല്ലാർ സ്പേസ് (താരാന്തരീക്ഷം) പ്രവേശിച്ചിരിക്കുന്നു. Voyager 2, 2018-ൽ തന്നെ താരാന്തരീക്ഷത്തിലേക്ക് പ്രവേശിച്ചു.

ഇപ്പോഴും  ഇരുവരും നിസ്സാര വേഗത്തിൽ വിവരങ്ങൾ ഭൂമിയിലേക്ക് അയച്ചുകൊണ്ടിരിക്കുന്നു എന്നാണ് ലഭ്യമായ പുതിയ വിവരം. എന്നാൽ ദൂരവും, വൈദ്യുതിയും കുറഞ്ഞുവരുന്നതും കാരണം, ഉപകരണങ്ങൾ ഒന്നൊന്നായി പ്രവർത്തന രഹിതമാവുന്ന സ്ഥിതിയിലാണ്.

ഭൂമിയുടെ ചിത്രങ്ങൾ, മനുഷ്യരുടെ ശബ്ദങ്ങൾ, സംഗീതം, പ്രകൃതി ശബ്ദങ്ങൾ എന്നിവ പതിച്ച “Golden Record” ഓരോ പേടകത്തിലും ഘടിപ്പിച്ചിട്ടുണ്ട്. വിദൂര ഭാവിയിൽ അന്യഗ്രഹ ജീവികൾ പേടകത്തെ കണ്ടുമുട്ടിയാൽ ഭൂമിയുടെ കഥ മനസ്സിലാക്കാനാണ് ഇത്.

എന്നാൽ വൈദ്യുതി ഉറവിടം (Plutonium-based generator) പതിയെ ക്ഷയിച്ചു കൊണ്ടിരിക്കുകയാണ്. ചില ഉപകരണങ്ങൾ അടുത്ത കുറെ വർഷങ്ങൾ പ്രവർത്തിച്ചേക്കാം.  

Voyager പേടകങ്ങൾ ഇന്നും ജീവിച്ചിരിക്കുന്നു എന്നത് തന്നെ വലിയ ശാസ്ത്ര നേട്ടമാണ്. എന്നാൽ അവർ ഒരിക്കലും വീട്ടിലേക്ക് തിരിച്ചുവരില്ല. അതായത് ഭൂമിയിലേക്കോ സൗരയൂഥത്തിലേക്കോ മടങ്ങി വരില്ല. അവ എന്നും അനന്തമായ താരാന്തരീക്ഷത്തിലേക്ക് ഒഴുകിക്കൊണ്ടിരിക്കും. അവ തുടർച്ചയായി പുറത്തേക്ക് സഞ്ചരിക്കുകയാണ്.

അവരുടെ പാത സൗരയൂഥത്തിനപ്പുറം “ഇന്റർസ്റ്റല്ലാർ സ്പേസ്” (താരാന്തരീക്ഷം) വഴിയുള്ള യാത്രയിലാണ്. അതെ രണ്ടും ഇപ്പോഴും ജീവനോടെ തന്നെയാണ്, അഥവാ റേഡിയോ സിഗ്നലുകൾ ഭൂമിയിലേക്ക് അയക്കുന്നു എന്നത് തന്നെ അത്ഭുതകരമായ നേട്ടമാണ്. 2030-ഓടെ ഇവ മുഴുവനും മൂകമായ പേടകങ്ങളായി മാറും!