റോഡ് നവീകരണം : പട്ടാമ്പിയിൽ ഗതാഗത നിയന്ത്രണം

പട്ടാമ്പി നിള ഹോസ്പിറ്റൽ- ഷൊർണൂർ ഐ.പി.ടി റോഡിൽ പുനരുദ്ധാരണ പ്രവൃത്തി നടക്കുന്നതിനാൽ ഗതാഗത നിയന്ത്രണം ഏർപ്പെടുത്തി.

പാലക്കാട് റോഡിൽ മേലെ പട്ടാമ്പി കല്പക ജംഗ്ഷൻ മുതൽ മേലെ പട്ടാമ്പി സിഗ്നൽ ജംഗ്ഷൻ വരെ ടാറിങ് നടക്കുന്നതിനാൽ ഇന്ന് (13/09/2025 ശനി) രാത്രി 12 മണി മുതൽ തിങ്കളാഴ്ച (15/09/2025) രാത്രി 12 മണി വരെയാണ് ഗതാഗത നിയന്ത്രണം. 

പാലക്കാട് ഭാഗത്തു നിന്നും പട്ടാമ്പിയിലേക്ക് വരുന്ന വാഹനങ്ങൾ കുളപ്പുള്ളിയിൽ നിന്ന് തിരിഞ്ഞ്, വല്ലപ്പുഴ മുളയങ്കാവ്- കൊപ്പം വഴി മേലെ പട്ടാമ്പി സിഗ്നൽ ജംഗ്ഷനിലൂടെ പട്ടാമ്പിയിലേക്കും, തിരിച്ചും പോകേണ്ടതാണ്. പാലക്കാട് ഭാഗത്തു നിന്നും ഗുരുവായൂർ, കുന്നംകുളം ഭാഗത്തേക്ക് പോകുന്ന വാഹനങ്ങൾ കുളപ്പുള്ളി, ചെറുതുരുത്തി, കൂട്ടുപാത വഴിയും, തിരിച്ചും പോകേണ്ടതാണെന്ന് എക്സി. എഞ്ചിനീയർ അറിയിച്ചു