പാലക്കാട് ജില്ലയിലെ മനുഷ്യ-വന്യജീവി സംഘര്ഷം ലഘൂകരിക്കുന്നതിനുള്ള 45 ദിവസത്തെ തീവ്രയജ്ഞ പരിപാടിയുമായി ബന്ധപ്പെട്ട നടപടികള് ചര്ച്ച ചെയ്യാനായി ജില്ലാതല കോ-ഓര്ഡിനേഷന് കമ്മിറ്റി യോഗം ചേര്ന്നു. യോഗത്തില് ജില്ലാ കളക്ടര് എം.എസ് മാധവിക്കുട്ടി അധ്യക്ഷയായി.
വന്യമൃഗ ആക്രമണ ഭീഷണിയുള്ള സ്ഥലങ്ങളില് ട്രൈബല് പ്രമോട്ടര്മാര് വഴി പൊതുജനങ്ങള്ക്ക് മുന്നറിയിപ്പും ബോധവല്ക്കരണവും നല്കാന് യോഗത്തില് നിര്ദേശം നല്കി. മനുഷ്യ വന്യജീവി സംഘര്ഷം ലഘൂകരിക്കുന്നതിനായി ബന്ധപ്പെട്ട ഒരോ വകുപ്പുകളും നോഡല് ഓഫീസറെ നിയമിക്കണം.
വന്യജീവി സംഘര്ഷമുള്ള സ്ഥലങ്ങള് കണ്ടെത്തി റിപ്പോര്ട്ട് ചെയ്യാനായി ഫോറസ്റ്റ്, എല്.എസ്.ജി.ഡി തുടങ്ങിയ വകുപ്പുകള്ക്ക് നിര്ദേശം നല്കി. ആന്റിവെനം ഇല്ലാത്ത പി.എച്ച്.സി.കളെ കണ്ടെത്തി അവ ലഭ്യമാക്കാന് ആരോഗ്യവകുപ്പിന് നിര്ദേശം നല്കി. വാച്ചര്മാര് ഇല്ലാത്ത സ്ഥലങ്ങളില് അവരെ നിയമിക്കാനും വനംവകുപ്പിന് നിര്ദേശം നല്കി. ജില്ലാ കളക്ടറുടെ ചേമ്പറില് നടന്ന യോഗത്തില് വിവിധ വകുപ്പ് ഉദ്യോഗസ്ഥര് പങ്കെടുത്തു.