എസ്.വൈ.എസ് പട്ടാമ്പി സോൺ കമ്മിറ്റിയുടെ നേതൃത്വത്തിൽ ഒരു പകൽ നീണ്ടുനിൽക്കുന്നു സ്നേഹലോകം പ്രവാചക പഠന സംഗമം ശനിയാഴ്ച രാവിലെ വല്ലപ്പുഴയിൽ തുടങ്ങി.
കേരള മുസ്ലിം ജമാഅത്ത് പട്ടാമ്പി സോണ് ജനറല് സെക്രട്ടറി മുഹമ്മദ് അലി സഅദി വല്ലപ്പുഴ പതാക ഉയർത്തി.
തിരുവസന്തം 1500 എന്ന തലക്കെട്ടിൽ കേരള മുസ്ലിം ജമാഅത്തിന്റെ നേതൃത്വത്തിൽ ഒരു വർഷം നീണ്ടുനിൽക്കുന്ന മീലാദ് ക്യാമ്പയിന്റെ ഭാഗമായി കേരളത്തിലെ 130 സോൺ കേന്ദ്രങ്ങളിലാണ് സ്നേഹലോകം പരിപാടി സംഘടിപ്പിക്കുന്നത്.
സമസ്ത കേന്ദ്ര മുശാവറ അംഗം കെ.പി മുഹമ്മദ് മുസ്ലിയാർ കൊമ്പം ഉദ്ഘാടനം ചെയ്തു. തുടർന്ന് വിവിധ സെഷനുകൾക്ക് പി.സി സിദ്ദീഖ് സഖാഫി അരിയൂർ, അബ്ദുൽ ജലീൽ സഖാഫി കടലുണ്ടി, ഇബ്രാഹിം സഖാഫി താത്തൂർ, റഷീദ് നരിക്കോട്, ഉമ്മർ ഓങ്ങല്ലൂർ, സൈതലവി പൂതക്കാട്, എം.വി സിദ്ദീഖ് സഖാഫി ഒറ്റപ്പാലം എന്നിവർ സംസാരിക്കും.
വൈകിട്ട് 4.30 ന് നടക്കുന്ന പൂർണ്ണതയുടെ മനുഷ്യകാവ്യം എന്ന വിഷയത്തിലെ സെമിനാറിൽ പ്രശസ്ത എഴുത്തുകാരനും മലയാളം സർവ്വകലാശാല മുൻ സിൻഡിക്കേറ്റ് അംഗവുമായ ഡോക്ടർ സി.പി ചിത്രഭാനു മുഖ്യാതിഥിയാകും.
പട്ടാമ്പി സോൺ പരിധിയിലെ ആറ് സർക്കിളുകളിൽ നിന്നും തിരഞ്ഞെടുക്കപ്പെട്ട 300ലധികം അംഗങ്ങൾ പരിപാടിയിൽ പങ്കെടുക്കും.