തൃത്താല മണ്ഡലത്തിലെ പാലത്തറ- കൊടുമുണ്ട റോഡ് പണിയിൽ കണ്ടെത്തിയ അഴിമതിക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് തൃത്താല നിയോജക മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ മന്ത്രി എം.ബി.രാജേഷിന്റെ കൂറ്റനാട്ടെ ഓഫീസിലേക്ക് പ്രതിഷേധ മാർച്ച് നടത്തി.
കൂറ്റനാട് രാജീവ് ഭവനിൽ നിന്നും ആരംഭിച്ച പ്രതിഷേധ മാർച്ച് പട്ടാമ്പി, ഗുരുവായൂർ, പൊന്നാനി റോഡുകളിലൂടെ തൃത്താല റോഡിലേക്ക് പ്രവേശിച്ച് മന്ത്രിയുടെ ഓഫീസ് എത്തുന്നതിനു മുമ്പായി പോലീസ് ബാരിക്കേഡ് വച്ച് തടഞ്ഞു.
തുടർന്ന് നടന്ന ധർണ്ണ കെ.പി.സി.സി ഉപാധ്യക്ഷൻ വി.ടി ബൽറാം ഉദ്ഘാടനം ചെയ്തു. കെ.പി.സി.സി നിർവാഹക സമിതി അംഗം സി.വി ബാലചന്ദ്രൻ മുഖ്യ പ്രഭാഷണം നടത്തി. തൃത്താല ബ്ലോക്ക് കോൺഗ്രസ് കമ്മിറ്റി പ്രസിഡന്റ് കെ.വിനോദ് അധ്യക്ഷനായി.
ഡി.സി.സി.ജനറൽ സെക്രട്ടറിമാരായ കെ.ബാബു നാസർ, പി.മാധവദാസ്, പി.വി.മുഹമ്മദാലി, പി.ബാലൻ, യൂത്ത് കോൺഗ്രസ് സംസ്ഥാന ജനറൽ സെക്രട്ടറി ഒ.കെ.ഫാറൂഖ്, ഐ.എൻ.ടി.യു.സി.
സംസ്ഥാന ജനറൽ സെക്രട്ടറി വി.അബ്ദുള്ളക്കുട്ടി, പ്രവാസി കോൺഗ്രസ് സംസ്ഥാന ജനറൽ സെക്രട്ടറിമാരായ കെ.ഷംസുദ്ദീൻ, മാനു വട്ടൊള്ളി, യു.ഡി.എഫ്. തൃത്താല നിയോജക മണ്ഡലം ചെയർമാൻ ടി.കെ.സുനിൽകുമാർ, കപ്പൂർ ബ്ലോക്ക് കോൺഗ്രസ് കമ്മിറ്റി പ്രസിഡന്റ് റഷീദ് കൊഴിക്കര, ബ്ലോക്ക് പഞ്ചായത്ത് മെമ്പർമാരായ ബാവ മാളിയേക്കൽ, എം.ടി.ഗീത, പട്ടിത്തറ മണ്ഡലം പ്രസിഡന്റ് സി.പി.മുഹമ്മദ്, മഹിളാ കോൺഗ്രസ് നേതാക്കളായ പി.റഷീദ, പ്രിയ സുരേഷ്, ജയന്തി വിജയകുമാർ, ഇ.റാണി, റംല വീരാൻകുട്ടി എന്നിവർ സംസാരിച്ചു.