പട്ടാമ്പി താലൂക്ക് ലൈബ്രറി സംഗമത്തിൽ, ദയാമൃതം പുരസ്കാരം നേടിയ അഭയം പി.കൃഷ്ണനെ ആദരിച്ചു.

 

പട്ടാമ്പി താലുക്ക് ലൈബ്രറി കൗൺസിലിൻ്റെ നേതൃത്വത്തിൽ താലൂക്ക് ലൈബ്രറി സംഗമം നടത്തി.  കൂറ്റനാട് ടൗണിൽ  നാഗലശ്ശേരി സർവീസ് സഹകരണ ബാങ്ക് ഹാളിൽ  നടന്ന സംഗമം പാലക്കട് ജില്ലാ ലൈബ്രറി കൗൺസിൽ പ്രസിഡണ്ട്  ഡോ.സി.പി ചിത്രഭാനു ഉദ്ഘാടനം ചെയ്തു. 

താലൂക്ക് പ്രസിഡണ്ട് കെ.ജനാർദ്ദനൻ അധ്യക്ഷനായി. താലൂക്ക് സെക്രട്ടറി ടി.സത്യനാഥൻ റിപ്പോർട്ടും, വരവ് - ചെലവ് കണക്കും, താലൂക്ക് വൈസ് പ്രസിഡണ്ട് പി.സുധ ബജറ്റും അവതരിപ്പിച്ചു.  

മികച്ച സാമൂഹിക - ജീവകാരുണ്യ പ്രവർത്തകനുള്ള ദയാമൃതം പുരസ്കാരം നേടിയ അഭയം പി.കൃഷ്ണനെ ആദരിച്ചു. 

സംസ്ഥാന കൗൺസിലർ എം.കെ പ്രദീപ്, ജില്ലാ എക്സിക്യൂട്ടീവ് അംഗം എൻ.രാജൻ, അഭയം പി.കൃഷ്ണൻ,  ഒ.രാജൻ, പി.കെ ബാലചന്ദ്രൻ, കെ.സി അലി ഇഖ്ബാൽ, രാജൻ മാടായിൽ, പി.അജേഷ്, വി.എം രാജീവ്, എ.കൃഷ്ണകുമാർ എന്നിവർ സംസാരിച്ചു.