ഇരുചക്ര വാഹന യാത്രക്കാരനെ രക്ഷിക്കാനുള്ള ശ്രമത്തിൽ വിവാഹ സംഘം സഞ്ചരിച്ച ബസ്സാണ് മറിഞ്ഞത്. കൂത്താട്ടുകുളം പിറവം റോഡിലാണ് അപകടമുണ്ടായത്. 35 പേർക്ക് പരിക്കേറ്റു. നാലുപേരുടെ പരിക്ക് ഗുരുതരമാണ്.
അപകടത്തിൽ പെട്ട യാത്രക്കാരെ നാട്ടുകാർ ചേർന്ന് കൂത്താട്ടുകുളത്തെ ദേവമാതാ ആശുപത്രിയിലേക്ക് മാറ്റി കൂത്താട്ടുകുളത്തു നിന്നുള്ള ഫയർഫോഴ്സ് സംഘവും പൊലിസും സ്ഥലത്ത് എത്തി.
റോഡിൽ നിന്ന് എതിർവശത്തെ പെട്രോൾ പമ്പിലേക്ക് അശ്രദ്ധമായി പ്രവേശിച്ച ബൈക്ക് യാത്രക്കാരനെ രക്ഷിക്കുന്നതിനിടെയാണ് ബസ്സിന്റെ നിയന്ത്രണം വിട്ടത്.
സംഭവത്തിന്റെ സി.സി.ടി.വി ദൃശ്യങ്ങൾ പുറത്തു വന്നു. ബൈക്കിൽ ഇടിക്കാതിരിക്കാൻ ബസ് വെട്ടിക്കുന്നതും പെട്രോൾ പമ്പിലെ ഇരുമ്പ് കമ്പിയിൽ ഇടിച്ച് ബസ് മറിയുന്നതും ദൃശ്യങ്ങളിൽ വ്യക്തമായി കാണാം. പമ്പിൽ നിർത്തിയിട്ട മറ്റൊരു ബൈക്ക് യാത്രക്കാരൻ തലനാരിഴയ്ക്കാണ് രക്ഷപ്പെട്ടത്.
CC TV Footage