ചാലിശ്ശേരി ഗ്രാമപഞ്ചായത്തും സാമൂഹിക ആരോഗ്യ കേന്ദ്രവും സംയുക്തമായി പാലിയേറ്റീവ് കുടുംബങ്ങൾക്ക് ഓണക്കിറ്റ് വിതരണം നടത്തി.
ചാലിശ്ശേരി റോയൽ ഡെന്റൽ കോളേജിൻ്റെ സഹകരണത്തോടെ 50 കുടുംബങ്ങൾക്ക് ഓണക്കിറ്റ് നൽകി. സി.എച്ച്.സി ഹാളിൽ നടന്ന ചടങ്ങിൽ ഗ്രാമ പഞ്ചായത്ത് വൈസ് പ്രസിഡന്റ് സാഹിറ ഖാദർ അധ്യക്ഷയായി. പ്രസിഡന്റ് വിജേഷ് കുട്ടൻ ഉദ്ഘാടനം നിർവ്വഹിച്ചു.
ആശുപത്രി സൂപ്രണ്ട് ഇൻ ചാർജ് ഡോ:ഖലീൽ മജീദ്, റോയൽ ഡെന്റൽ കോളേജ് ചെയർമാൻ കല്ലായിൽ സെയ്ത് ഹാജി, പഞ്ചായത്ത് ക്ഷേമകാര്യ സ്ഥിരം സമിതി ചെയർപേഴ്സൺ നിഷ അജിത് കുമാർ, പഞ്ചായത്ത് അംഗങ്ങളായ റംല വീരാൻ കുട്ടി, വി.എസ് ശിവാസ്, ഷഹന അലി, പഞ്ചായത്ത് കോ-ഓർഡിനേറ്റർ പ്രദീപ് ചെറുവാശ്ശേരി, റോയൽ ഡെന്റൽ കോളേജ് സ്റ്റുഡൻസ് യൂണിയൻ ചെയർപേഴ്സൺ ഡോ:വർഷ വിഷ്ണുനാഥ്, സിസ്റ്റം അഡ്മിൻ പി.യു.അമീർ എന്നിവർ സംസാരിച്ചു.
റോയൽ ഡെന്റൽ കോളേജിലെ ഡോ:അൽഫിയ, ഡോ:ലക്ഷ്മി, ആശ പ്രവർത്തകർ, ആശുപത്രി ജീവനക്കാർ, പാലിയേറ്റീവ് കുടുംബാംഗങ്ങൾ എന്നിവർ സന്നിഹിതരായിരുന്നു. ഹെൽത്ത് ഇൻസ്പെക്ടർ കെ.രാജേഷ് സ്വാഗതവും പാലിയേറ്റീവ് നഴ്സ് സി.സി മേരിക്കുട്ടി നന്ദിയും പറഞ്ഞു.