കൈക്കൂലി പണവുമായി കണ്ണൂർ ആർ.ടി ഓഫിസിലെ സീനിയർ സൂപ്രണ്ട് മഹേഷിനെ കോഴിക്കോട് വിജിലൻസ് സ്പെഷൽ സെൽ ഡി.വൈ.എസ്.പി സുരേഷും സംഘവും പിടികൂടി.
ഇന്നലെ (ബുധനാഴ്ച) രാത്രിയാണ് റോഡിൽ വണ്ടി തടഞ്ഞ് ഇയാളെ പിടികൂടിയത്. പരിശോധനയിൽ കാറിൽ നിന്ന് 32,000 രൂപ കണ്ടെടുത്തു. ഈ പണത്തിന് രേഖയുണ്ടായിരുന്നില്ല. ഏജന്റുമാർ മുഖേന കൈക്കൂലിയായി കൈപ്പറ്റിയതാണ് പണമെന്നാണ് വിവരം.
സംഭവം സംബന്ധിച്ച് വിജിലൻസ് ഡയറക്ടർക്ക് റിപ്പോർട്ട് നൽകും. കോഴിക്കോട് വിജിലൻസ് സ്പെഷൽ സെൽ എസ്.പി കെ.പി. അബ്ദുൾ റസാഖിൻ്റെ നിർദേശ പ്രകാരമാണ് വിജിലൻസ് സംഘമെത്തിയത്. കാറിനെ പിന്തുടർന്ന് എത്തിയ വിജിലൻസ് സംഘം കാർ കുറുകെയിട്ടാണ് മഹേഷിനെ തടഞ്ഞത്.
Tags
ക്രൈം