നിക്ഷേപ തട്ടിപ്പിൽ കുടുങ്ങരുതെന്ന് മുന്നറിയിപ്പ്

പ്രമുഖ ഓഹരി വ്യാപാര സ്ഥാപനമായ ക്യാപിറ്റലിക്സിൻ്റെ പേരിൽ നിക്ഷേപത്തട്ടിപ്പിന് ശ്രമം: ജാഗ്രത പാലിക്കണമെന്ന് സൈബർ പൊലീസ്.  കൂടുതൽ ലാഭം വാഗ്ദാനം ചെയ്തുള്ള വ്യാജ പരസ്യങ്ങൾ സമൂഹ മാധ്യമങ്ങളിലൂടെ പ്രചരിപ്പിക്കുന്നുണ്ടെന്നും പരസ്യങ്ങളിൽ പ്രമുഖരുടെ വ്യാജ വീഡിയോ എ.ഐ സഹായത്തോടെ നിർമ്മിച്ചാണ് പ്രചരിപ്പിക്കുന്നതെന്നും  പോലീസ് മുന്നറിയിപ്പ് നൽകുന്നു. 

താൽപ്പര്യം പ്രകടിപ്പിക്കുന്നവരെ ട്രേഡിങ് പഠിപ്പിക്കാൻ എന്ന വ്യാജേന വാട്‌സാപ്, ടെലിഗ്രാം ഗ്രൂപ്പിൽ അംഗങ്ങളാക്കും. തുടർന്ന് വ്യാജ വെബ്സൈറ്റുകളിൽ അക്കൗണ്ട് തുടങ്ങാൻ നിർബന്ധിക്കുകയും പണം നിക്ഷേപിപ്പിക്കുകയും ചെയ്യും. കേരളത്തിലെ പ്രമുഖ വ്യവസായിക്ക് 26 കോടിയിലേറെ രൂപ നഷ്ടപ്പെട്ടിട്ടുണ്ട്. 

വ്യാജ പരസ്യങ്ങൾ ശ്രദ്ധയിൽപ്പെടുകയോ തട്ടിപ്പിന് ഇരയാവുകയോ ചെയ്‌താൽ പരമാവധി ഒരുമണിക്കൂറിനകം വിവരം 1930 എന്ന നമ്പരിലോ www.cybercrime.gov.in മുഖേനയോ അറിയിക്കണം.