തൃത്താല ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി നവീകരിച്ച കണ്ണനൂർ സബ് സെൻ്റർ റോഡിൻ്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡണ്ട് അഡ്വ.വി.പി റജീന നിർവ്വഹിച്ചു.
തൃത്താല ഗ്രാമപഞ്ചായത്ത് പ്രസിഡണ്ട് പി.കെ ജയ അദ്ധ്യക്ഷത വഹിച്ചു. ബ്ലോക്ക് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ എ.കൃഷ്ണകുമാർ, തൃത്താല ഗ്രാമ പഞ്ചായത്ത് മെമ്പർ ഫർഹാന ഹക്കിം, തൃത്താല സർവ്വീസ് സഹകരണ ബാങ്ക് റിട്ട: സെക്രട്ടറി ജയൻ, കണിശാഖ മന വേണു നമ്പൂതിരി കെ.വേലായുധൻ, പി.കെ ചെറിയ രാമൻ എന്നിവർ സംസാരിച്ചു.
തൃത്താല ബ്ലോക്ക് പഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തിയാണ് റോഡ് കട്ട വിരിച്ച് നവീകരണം നടത്തിയത്.
Tags
പ്രാദേശികം