വിറക് അടുപ്പിൽനിന്നും തീപടർന്ന് പൊള്ളലേറ്റ് വയോധിക ദമ്പതിമാർ മരിച്ചു.

തിരുവനന്തപുരം പേരൂർക്കട ഹരിത നഗറിൽ എ.ആൻ്റണി (81), ഭാര്യ ഷേർളി (73) എന്നിവരാണ് മരിച്ചത്. വീടിനു പുറത്തുള്ള വിറക് അടുപ്പിൽ മണ്ണെണ്ണ ഒഴിച്ചു കത്തിക്കുമ്പോഴാണ് അപകടം.

അടുപ്പിൽനിന്ന് ആൻ്റണിയുടെ മുണ്ടിലേക്കു തീപടർന്നു പിടിക്കുകയായിരുന്നു. ആൻ്റണിയെ രക്ഷിക്കാൻ ശ്രമിക്കുന്നതിനിടെ ഷേർളിയുടെ ദേഹത്തും തീ പിടിച്ചു. ഗുരുതരമായി പൊള്ളലേറ്റ ഇരുവരെയും ആശുപത്രിയിൽ എത്തിച്ചെങ്കിലും മരിച്ചു. 

മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് കൈമാറി. മകൻ: ഫെലിക്‌സ് ആൻ്റണി. മരുമകൾ: ദർശിനി.