ഷൊര്‍ണൂരില്‍ ഓടിക്കൊണ്ടിരുന്ന ബൈക്കിന് തീപിടിച്ചു: യുവാവ് അത്ഭുതകരമായി രക്ഷപ്പെട്ടു.

ഷൊർണൂർ കാരക്കാട് കളളിക്കാട്ടില്‍ നിതീഷിന്റെ ബൈക്കാണ് കത്തി നശിച്ചത്. ബൈക്ക് യാത്രികനായ നിതീഷ് തലനാരിഴയ്ക്കാണ് രക്ഷപ്പെട്ടത്. ബൈക്കില്‍ അര ടാങ്കോളം പെട്രോള്‍ ഉണ്ടായിരുന്നു.

സുഹൃത്തുക്കള്‍ക്കൊപ്പം ഊട്ടിയിലേക്ക് വിനോദ യാത്ര പോകാന്‍ വീട്ടില്‍ നിന്നും ഇറങ്ങിയതായിരുന്നു നിതീഷ്. വീടിന് സമീപത്തുവെച്ചാണ് ബൈക്കിന് തീപിടിച്ചത്. ഷൊര്‍ണൂരില്‍ നിന്നും ഫയര്‍ ഫോഴ്‌സ് എത്തിയാണ് തീ അണച്ചത്. ബൈക്ക് പൂര്‍ണമായും കത്തിനശിച്ചു.