നഷ്ടപ്പെട്ട സ്വർണ്ണ ലോക്കറ്റും രുദ്രാക്ഷ മാലയും തിരികെ കിട്ടി.

കഴിഞ്ഞ ശനിയാഴ്ച  കൂറ്റനാട് വച്ച് നഷ്ടപ്പെട്ട അരപ്പവൻ തൂക്കം വരുന്ന സ്വർണ ലോക്കറ്റും വെള്ളി കെട്ടിയ രുദ്രാക്ഷ മാലയും യുവാവിന് തിരികെ ലഭിച്ചു. ചാലിശ്ശേരി പോലീസിന്റെ സമയോചിതമായ അന്വേഷണ മികവിലൂടെയാണ് മേഴത്തൂർ സ്വദേശിയായ വിഷ്ണുവിന് നഷ്ടപ്പെട്ട മുതൽ തിരിച്ചു ലഭിച്ചത്. 

ചാലിശ്ശേരി സബ് ഇൻസ്പെക്ടർ ടി.അരവിന്ദാക്ഷന്റെ നേതൃത്വത്തിൽ നടത്തിയ സി.സി.ടി.വി. പരിശോധനകളിലൂടെയാണ്  നഷ്ടപ്പെട്ട മുതൽ മൂന്നാം ദിവസം തിരികെ ലഭിച്ചത്.

സബ് ഇൻസ്പെക്ടർ ടി.അരവിന്ദാക്ഷനൊപ്പം സിവിൽ പോലീസ് ഓഫീസർമാരായ ആദർശ്, രാജൻ, പി.എസ്.രഞ്ജിത്ത് തുടങ്ങിയവർ അന്വേഷണ സംഘത്തിൽ ഉണ്ടായിരുന്നു.