കേരള വ്യാപാരി വ്യവസായി ഏകോപന സമിതി ആറങ്ങോട്ടുകര യൂണിറ്റ് അംഗവും ചേലക്കര ഇലക്ട്രിക്കൽ സ്ഥാപന ഉടമയുമായിരുന്ന മരണപ്പെട്ട കുഞ്ഞുണ്ണിയുടെ കുടുംബത്തിന് 10 ലക്ഷം രൂപ കൈമാറി.
കേരള വ്യാപാരി വ്യവസായി ഏകോപന സമിതി പാലക്കാട് ജില്ലാ കമ്മിറ്റിയുടെ നേതൃത്വത്തിൽ തുടക്കം കുറിച്ച 'വി സപ്പോർട്ട്' ('ജീവിതത്തോടൊപ്പം ജീവിതത്തിനു ശേഷവും') എന്ന പദ്ധതിയുടെ ഭാഗമായാണ് ധനസഹായം കൈമാറിയത്.
ചേലക്കരയിൽ ഉണ്ണിയുടെ വസതിയിൽ നടന്ന ചടങ്ങിൽ കേരള വ്യാപാരി വ്യവസായി ഏകോപന സമിതി സംസ്ഥാന ജനറൽ സെക്രട്ടറി ദേവസി മേച്ചേരി, പാലക്കാട് ജില്ലാ പ്രസിഡൻ്റ് ബാബു കോട്ടയിൽ, പാലക്കാട് ജില്ലാ ജനറൽ സെക്രട്ടറി കെ.എ ഹമീദ്, ജില്ലാ വൈസ് പ്രസിഡണ്ടുമാരായ ടി.പി ഷക്കീർ, രമേഷ് ബേബി, ആറങ്ങോട്ടുകര യൂണിറ്റ് പ്രസിഡണ്ട് എ.കെ. അബൂബക്കർ, രക്ഷാധികാരി ടി.ഇ സക്കറിയ ഹാജി, എക്സിക്യൂട്ടീവ് അംഗങ്ങളായ എം.മൊയ്തീൻ, ഇ.സുരേഷ്, ഇ.കെ ഷാജിമോൻ എന്നിവർ പങ്കെടുത്തു.