ശ്രീനാരായണഗുരു ഓപ്പൺ യൂനിവേഴ്സിറ്റി മേഖലാ കലോൽസവത്തിന് പട്ടാമ്പി ഗവ.സംസ്കൃത കോളെജിൽ തുടക്കമായി. സിനിമ - സീരിയൽ ആർട്ടിസ്റ്റ് ലക്ഷ്മി സുരേന്ദ്രൻ കോട്ടയം ഉദ്ഘാടനം നിർവ്വഹിച്ചു. കലോൽസവ ലോഗോ പ്രകാശനവും ലക്ഷ്മി നിർവ്വഹിച്ചു. ഏത് പ്രായത്തിലുള്ളവർക്കും തങ്ങളുടെ സർഗ്ഗ വാസനകൾ മാറ്റുരക്കാനുള്ള വേദികൾക്ക് പ്രത്യേക സൗന്ദര്യമാണെന്ന് അവർ പറഞ്ഞു. കോളെജ് പ്രിൻസിപ്പൽ പ്രൊഫ.എം.ആർ രശ്മി അധ്യക്ഷയായി.
ഓപ്പൺ യൂനിവേഴ്സിറ്റി റീജ്യണൽ ഡയറക്ടർ ഡോ.എൻ.എ ജോജോ മോൻ, എം.ഇ.എസ് ആർട്സ് ആൻ്റ് സയൻസ് കോളേജ് പ്രിൻസിപ്പൽ ഡോ. അബ്ദു പതിയിൽ, എൻ.സി.സി ഓഫീസർ ലഫ്. ഡോ.എ.പ്രമോദ്, ലേണിംഗ് സപ്പോർട്ട് സെൻ്റർ അക്കാഡമിക് കോഡിനേറ്റർ ഡോ.കെ.പി രാജേഷ്, മുൻ ഡയറക്ടർ ഡോ. റസീന തുടങ്ങിവർ സംസാരിച്ചു.
കലോൽസവം ഞായറാഴ്ച സമാപിക്കും. ഓപ്പൺ യൂനിവേഴ്സിറ്റിക്ക് കീഴിലെ അഞ്ച് മേഖലകളിലായി നടക്കുന്ന കലോൽസവത്തിൻ്റെ സംസ്ഥാന തല മൽസരം ഈ മാസം 29, 30 തീയതികളിൽ കോഴിക്കോട് നടക്കും.