സി.എൻ.ജിയുമായി പോയിരുന്ന ലോറി മറിഞ്ഞു; വാതകം ചോർന്നത് പരിഭ്രാന്തി പരത്തി.

തിരുവനന്തപുരം ജില്ലയിലെ നെടുമങ്ങാട് സി.എൻ.ജി കൊണ്ടുപോവുകയായിരുന്ന ലോറി മറിഞ്ഞ് അപകടം. അപകടത്തെത്തുടർന്ന് മേഖലയിൽ ചെറിയ രീതിയിലുള്ള ഗ്യാസ് ചോർച്ചയുണ്ടായി.  സുരക്ഷാ മുൻകരുതലിൻ്റെ ഭാഗമായി പ്രദേശത്തെ വാഹന ഗതാഗതം പൂർണ്ണമായും നിരോധിച്ചു.

അപകടത്തെക്കുറിച്ച് വിവരം ലഭിച്ച ഉടൻ തന്നെ ഫയർ ഫോഴ്സ‌് സംഘം സ്ഥലത്തെത്തി സുരക്ഷാ നടപടികൾ ആരംഭിച്ചു. നിലവിൽ ഗ്യാസ് ചോർച്ച നിയന്ത്രിക്കുന്നതിനുള്ള ശ്രമങ്ങൾ നടന്നുവരികയാണ്. കൂടുതൽ അപകടങ്ങൾ ഒഴിവാക്കുന്നതിനായി പോലീസ് സ്ഥലത്തുണ്ട്. ഗതാഗത നിയന്ത്രണം ഏർപ്പെടുത്തിയതോടെ  വാഹനങ്ങൾ വഴി  തിരിച്ചുവിട്ടു.