മണ്ണെണ്ണ ദേഹത്തൊഴിച്ച് തീകൊളുത്തിയ വീട്ടമ്മയും രക്ഷിക്കാൻ ശ്രമിച്ച ഭർത്താവും പൊള്ളലേറ്റു ചികിത്സയിലിരിക്കേ മരിച്ചു. ആലപ്പുഴ നൂറനാട് പയ്യനല്ലൂർ ആശാൻ വിളയിൽ ഓട്ടോ ഡ്രൈവറായ രഘു (54), ഭാര്യ സുജ (48) എന്നിവരാണ് മരിച്ചത്.
ഡിസംബർ എട്ടിന് വൈകീട്ട് നാല് മണിയോടെയാണ് സംഭവം. വീട്ടിൽ വെച്ചാണ് സുജ ദേഹത്ത് മണ്ണെണ്ണയൊഴിച്ച് തീ കൊളുത്തിയത്. ഈ സമയം സ്ഥലത്തുണ്ടായിരുന്ന ഭർത്താവ് രഘു സുജയെ രക്ഷിക്കാൻ ശ്രമിക്കുന്നതിനിടെയാണ് പൊള്ളലേറ്റത്.
ഇരുവരേയും ആദ്യം അടൂർ ജനറൽ ആശുപത്രിയിലും പിന്നീട് ആലപ്പുഴ മെഡിക്കൽ കോളേജ് ആശുപത്രിയിലേക്കും മാറ്റി. എന്നാൽ ആറാം നാൾ രാത്രി സുജയും, ഏഴാം നാൾ രാവിലെ രഘുവും മരണത്തിന് കീഴടങ്ങി. കുടുംബ പ്രശ്നങ്ങളാണ് ഈ സംഭവത്തിലേക്ക് നയിച്ചതെന്നാണ് വിവരം.
മക്കൾ: സുമോദ്, പരേതനായ സുകു. മരുമകൾ: അഞ്ജു.
Tags
Fire