ഇരുചക്ര വാഹനങ്ങൾ കൂട്ടിയിടിച്ച് ഒരാൾ മരിച്ചു

ഇന്ന് വൈകുന്നേരം അഞ്ചുമണിയോടെ ചെറുതുരുത്തി ഗ്രാമപഞ്ചായത്തിലെ നമ്പ്യാർ പള്ളത്താണ് ഇരു ചക്ര വാഹനങ്ങൾ കൂട്ടിയിടിച്ചത്. അപകടത്തിൽ വരവൂർ തളി പുലക്കാട് സ്വദേശി ബാബു (52) മരണപ്പെട്ടു. 

അപകടത്തെ തുടർന്ന് ഗുരുതരമായി പരിക്കേറ്റ ബാബുവിനെ വാണിയംകുളം സ്വകാര്യ ആശുപത്രിയിലും,  പിന്നീട് തൃശൂർ ഗവ: മെഡിക്കൽ കോളേജ് ആശുപത്രിയിലും പ്രവേശിപ്പിച്ചെങ്കിലും രക്ഷിക്കാനായില്ല.

വരവൂർ തളി പിലക്കാട് വടക്കേ പെരുംകുന്ന് നഗറിൽ താമസിക്കുന്ന സുബ്രഹ്മണ്യൻ - മീനാക്ഷി ദമ്പതികളുടെ മകനാണ് ബാബു. തലശ്ശേരി ഗവ.എൽപി സ്കൂൾ പരിസരത്ത് കമ്പിവേലി നിർമ്മാണ കമ്പനിയിലെ തൊഴിലാളിയാണ്.

ഭാര്യ : ചന്ദ്രിക. മക്കൾ : ഐശ്വര്യ, അഞ്ജലി, അജയ് വിഷ്ണു.