ചാലിശ്ശേരി ഗ്രാമ പഞ്ചായത്തിന്റെയും സാമൂഹിക ആരോഗ്യ കേന്ദ്രത്തിന്റെയും സംയുക്ത ആഭിമുഖ്യത്തിൽ പഞ്ചായത്ത് പരിധിയിലെ പാലിയേറ്റീവ് രോഗികളുടെ കുടുംബങ്ങൾക്ക് ഓണക്കിറ്റ് വിതരണം നടത്തി.
അംബേദ്കർ ഹാളിൽ നടന്ന പരിപാടി ഗ്രാമപഞ്ചായത്ത് പ്രസിഡന്റ് റംല വീരാൻകുട്ടി ഉദ്ഘാടനം ചെയ്തു. പാലിയേറ്റീവ് രോഗികളുള്ള 80 കുടുംബങ്ങൾക്കാണ് ഓണക്കിറ്റ് വിതരണം നടത്തിയത്. പഞ്ചായത്ത് വൈസ് പ്രസിഡന്റ് യു.കെ സുരേഷ് ബാബു അധ്യക്ഷത വഹിച്ചു.
വികസനകാര്യ സ്ഥിരം സമിതി ചെയർ പേഴ്സൺ സിജി സാബു, ക്ഷേമകാര്യ സ്ഥിരം സമിതി ചെയർ പേഴ്സൺ സവിത അജി, ജില്ലാ പഞ്ചായത്ത് അംഗം ടി.കെ സുധീഷ്കുമാർ, പഞ്ചായത്ത് അംഗം എ.വിജയൻ, പഞ്ചായത്ത് കോർഡിനേറ്റർ ഷഹന അലി, പഞ്ചായത്ത് സെക്രട്ടറി എം.എം ജമീല, അസിസ്റ്റന്റ് സെക്രട്ടറി കെ.രാജേഷ്, സി.എച്ച്.സി സൂപ്രണ്ട് എ.ശ്രീകുമാർ, ആയുർവേദ ഡിസ്പെൻസറി മെഡിക്കൽ ഓഫീസർ കെ.ആതിര, പാലിയേറ്റീവ് വളണ്ടിയർ പ്രദീപ് ചെറുവാശ്ശേരി, ഹെൽത്ത് ഇൻസ്പെക്ടർ ഇൻ ചാർജ് എസ്.ഉഷസ്, ജൂനിയർ ഹെൽത്ത് ഇൻസ്പെക്ടർ ടി.പി.റാഷിദ, വ്യാപാരി വ്യവസായി സമിതി പ്രസിഡണ്ട് മജീദ് ഷഹല, വ്യാപാരി വ്യവസായി ഏകോപന സമിതി ജനറൽ സെക്രട്ടറി ഷബീർ മദീന, പൊതു പ്രവർത്തകൻ കബീർ ശോഭിക, ഗ്രാമ പഞ്ചായത്ത് അംഗങ്ങൾ, പൂരാഘോഷ കമ്മിറ്റി പ്രതിനിധികൾ, ആശ പ്രവർത്തകർ, പാലിയേറ്റീവ് കുടുംബാംഗങ്ങൾ എന്നിവർ പങ്കെടുത്തു.
പഞ്ചായത്ത് അംഗം സജീഷ് കളത്തിൽ സ്വാഗതവും, പാലിയേറ്റീവ് നേഴ്സ് സി.സി മേരിക്കുട്ടി നന്ദിയും പറഞ്ഞു.