പട്ടാമ്പി പാലത്തിന്റെയും ഫയര് സ്റ്റേഷന് കെട്ടിടത്തിന്റെയും നിര്മ്മാണോദ്ഘാടനം യഥാക്രമം മന്ത്രിമാരായ പി.എ മുഹമ്മദ് റിയാസ്, എം.ബി രാജേഷ് എന്നിവര് ഉദ്ഘാടനം നിര്വഹിച്ചു.
പെരുമ്പിലാവ് - നിലമ്പൂര് സംസ്ഥാന പാതയിലെ പ്രധാന പാലമാണ് പട്ടാമ്പി പാലം. നിലവിലുള്ള പാലം ഇപ്പോഴത്തെ വാഹന സാന്ദ്രതയെ ഉള്ക്കൊളളാന് പര്യാപ്തമല്ലാത്തതിനാലാണ് പുതിയ പാലം നിര്മ്മിക്കുന്നത്.
പട്ടാമ്പി ഫയര് സ്റ്റേഷന്റെ നിര്മ്മാണോദ്ഘാടനം തദ്ദേശ സ്വയംഭരണ എക്സൈസ് വകുപ്പ് മന്ത്രി എം.ബി രാജേഷ് നിര്വഹിച്ചു. പുതിയ പാലം നാടിന്റെ മുഖഛായ മാറ്റുമെന്നും മന്ത്രി കൂട്ടിചേര്ത്തു.
പട്ടാമ്പി ഇ.എം.എസ് പാര്ക്കില് നടന്ന പരിപാടിയില് മുഹമ്മദ് മുഹ്സിന് എം.എല്.എ അധ്യക്ഷനായി. പട്ടാമ്പി നഗരസഭ ചെയര്പേഴ്സന് ഒ.ലക്ഷ്മിക്കുട്ടി, വൈസ് ചെയര്പേഴ്സണ് ടി.പി ഷാജി, വിവിധ സ്റ്റാന്ഡിങ് കമ്മിറ്റി ചെയര് പേഴ്സണ്മാര്, ജനപ്രതിനിധികള്, വകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.