ചിത്രകലയിൽ നവോത്ഥാനം ലക്ഷ്യമിട്ടുകൊണ്ട് പ്രവർത്തിക്കുന്നവരുടെ കൂട്ടായ്മയായ തൃത്താല 'ആർട്വിസ്റ്റി'ൻ്റെ ആഭിമുഖ്യത്തിൽ നടന്ന സർഗ്ഗാദര സദസ്സും ചിത്രകലാ ക്യാമ്പും സമാപിച്ചു. തൃത്താല തലക്കശ്ശേരി ഗ്രാമിയിൽ നടന്ന 'സുഹിതം സുകൃതം' പരിപാടിയുടെ ഉദ്ഘാടനം മന്ത്രി എം.ബി രാജേഷ് നിർവഹിച്ചു.
മികച്ച കലാ സംവിധായകനുള്ള 2024ലെ സംസ്ഥാന ചലച്ചിത്ര പുരസ്കാരത്തിനർഹനായ അജയൻ ചാലിശ്ശേരി, ലോക ശ്രദ്ധ നേടിയ മാലിന്യ മുക്ത നവകേരളം, അതി ദാരിദ്ര്യമുക്ത കേരളം എന്നീ പരിപാടികൾക്ക് നേതൃത്വം നൽകിയ തദ്ദേശ സ്വയം ഭരണ മന്ത്രി എം.ബി.രാജേഷ്, ആറാമത് അശാന്തൻ സ്മാരക പ്രത്യേക ജൂറി പുരസ്കാരത്തിനർഹനായ ടി.കെ.മുരളി എന്നിവരെ ആദരിച്ചു.
ചിത്രകലാ ക്യാമ്പ് ആർടിസ്റ്റ് അജയൻ ചാലിശ്ശേരി ഉദ്ഘാടനം ചെയ്തു. അമ്പതിൽപരം ചിത്രകാരന്മാർ ക്യാമ്പിൽ രചന നടത്തി. കുട്ടികൾക്കുവേണ്ടിയുള്ള ചിത്രീകരണവും നടന്നു. 35 വർഷത്തെ ചിത്രീകരണ അനുഭവം ആർടിസ്റ്റ് വെങ്കി പങ്കുവെച്ചു. ആർടിസ്റ്റ് പി.എസ് വിനയൻ അധ്യക്ഷനായി.
ആർടിസ്റ്റ് ടി.കെ.മുരളി, ആർടിസ്റ്റ് വെങ്കി, ആർട്ടിസ്റ്റ് വിമൽ ചന്ദ്രൻ തുടങ്ങിയവർ സംസാരിച്ചു. ഭാരവാഹികളായ വി.എം ബഷീർ, ഗോപു പട്ടിത്തറ, രേവതി വേണു, പി.സി രേണുക തുടങ്ങിയവർ നേതൃത്വം നൽകി.