മുന് മുഖ്യമന്ത്രി പിണറായി വിജയന്റെ നവകേരള യാത്രക്കിടെ ആലപ്പുഴയില് കരിങ്കൊടി കാണിച്ച യൂത്ത് കോണ്ഗ്രസ്, കെ.എസ്.യു പ്രവര്ത്തകരെ മര്ദ്ദിച്ച സംഭവത്തില് അഞ്ചു പൊലീസുകാര്ക്ക് സസ്പെന്ഷന്.
പിണറായി വിജയന് മുഖ്യമന്ത്രിയായിരുന്നപ്പോഴും ഇപ്പോള് പ്രതിപക്ഷ നേതൃസ്ഥാനത്ത് ഇരിക്കുമ്പോഴും പേഴ്സണല് സെക്യൂരിറ്റി ഓഫീസറായി ജോലി ചെയ്യുന്ന ഗൺമാൻ അനില് കുമാര്, അന്ന് മുഖ്യമന്ത്രി പിണറായി വിജയനൊപ്പം അകമ്പടി സേവിച്ചിരുന്ന എസ്കോര്ട്ട് സംഘത്തില് ഉണ്ടായിരുന്ന സന്ദീപ്, അരുണ്, വിപിന്, ഷൈജു എന്നിവര്ക്കെതിരെയാണ് നടപടി സ്വീകരിച്ചത്.
ഭരണമാറ്റത്തെ തുടർന്ന് ആലപ്പുഴയിലെ 'രക്ഷാപ്രവർത്തനം' പുന:പരിശോധിക്കാൻ പ്രത്യേക അന്വേഷണ സംഘത്തെ സർക്കാർ നിയോഗിച്ചിരുന്നു.
ആലപ്പുഴയിലെ 'രക്ഷാപ്രവര്ത്തനവുമായി' ബന്ധപ്പെട്ട് പ്രത്യേക അന്വേഷണ സംഘം തെളിവെടുപ്പ് നടത്തി സംസ്ഥാന പൊലീസ് മേധാവി റവാഡ ചന്ദ്രശേഖര്ക്ക് റിപ്പോര്ട്ട് നൽകിയതിനെ തുടർന്നാണ് നടപടി.
